鄭艷麗公開媽媽撐柺杖走路背影令人擔心：希望她快啲好返

現年50歲的息影三級片女星鄭艷麗，於去年6月自曝患上厭食症，體重跌至90多磅，更一度被送往深切治療部（ICU），幸好在ICU接受治療兩日後便可以轉回到普通病房，她出院後身體逐漸康復。可是她於今年6月再度入院，當時她在Facebook post了一張她入院吊鹽水的照片，留言說：「終於都敵不過入院、又跌咗落去100磅、我要加油。」留院個多星期後出院，並表示要加油努力復原。

今日，她出post分享了她媽媽接用柺杖走路的背影照，表示：「大家好、我久沒上線了、我整親美濃 (尾龍) 骨、行路都行唔到、已經有一個星期到，希望她快啲好返、至於我，我今天要去打疫苗針、說真有點緊張。」相中可見鄭母行動不便，步履蹣跚，情況令人擔心，網民都有留言叫她：「保重身體。」又建議鄭母可以用律動機增強肌肉，非常有心！

鄭艷麗於90年代曾紅極一時，後來到台灣發展，與富商兼契爺黃任中關係匪淺，但自對方病逝後，失去經濟支柱，加上因為沒有儲蓄及不善理財，她曾為生計到快餐店做清潔工、收銀員，之後到越南經營咖啡店，中越兩邊走，自力更生。