【年初二】劉丹最愛孫女小糯米　三代同堂好幸福：大家開開心心

以前細細個最期待就係新年，見到人就舉起隻手講「恭喜發彩」逗利市，有錢收就最開心。不過，利市背後都係阿爸阿媽花一筆錢與親戚換來換去的等價交換而已。所以大人們與其講錢，不如諗下可以趁著新年可以與家人、親戚朋友聚首一堂，這份熱鬧實在是無可取替。

就好似早兩年榮升做爺爺的劉丹，雖然講到多了孫女小糯米出現後，新年大致上與以前差不多，只是：「有咗小糯米就多咗團拜嘅人。」但只要一提起孫女，丹爺表現得甜滋滋，兼且嘴角上揚，講起小糯米的得意事：「我嘅小糯米好奇怪，一見到人多，只要係熟人，佢就零舍生猛過人，又好開心㗎喎！每一次同屋企人一齊呢，佢啲動作搞到大家笑唔停。」可想而知，小糯米氹得劉家幾咁開心！本身三代同堂的丹爺，又會唔會想囝囝劉愷威再同老婆楊冪生多幾個，直頭兒孫滿堂呢？丹爺就好知足，就話：「呢啲嘢就迫唔嚟嘅，佢哋工作咁忙，隨緣啦。」不過有多幾個又唔拘嘅，最緊要一家平安同開心！

最後丹爺祝大家：「希望大家將2016年唔開心嘅嘢掃清佢，我哋迎接新嘅一年，大家開開心心，希望各位身體健康，我哋有開心速遞，帶嚟一啲開心嘅信息畀大家，希望大家日日都笑口『世世』，好唔好？」好呀！