江嘉敏為新劇被監製勒令減肥20磅：減磅係為咗吊威也

江嘉敏早前為劇集《七公主》宣傳，發現她清減了不少，原來她即將為新劇《四十二章經》開工，劇中她將有一個全新造型，更會有大量動場面，所以兩個以來節食減肥，她說：「因為嚟緊要拍《四十二章經》可能需要有啲動作啦，呢兩三個月訓練吊威也啦，練劍同練棍、自己又有學跆拳道，因為想自己做出嚟嘅動作靚啲，(點解要減肥?)動作出嚟冇咁笨重，同埋係電視16:9拉出嚟係濶啲嘅，所以而家學緊煮嘢食，煎下雞胸，食下青瓜、蘋果番茄，食得清淡啲，起初真係辛苦，咁都有成果，而家瘦咗3、4吋，男朋友都有為我打氣，有時想食零食佢都會截住我，減磅係為咗吊威也，呢個係其一啦，同埋你都唔會想睇一個咁多肉嘅人奔跑囉，好似冇乜說服力，但而家要再減多6kg，之前都減咗5kg。」