炎明熹 9月推出個人單曲 期待新歌同返學但仲未做完暑期功課

炎明熹（Gigi)今天（26日）出席「新城30+集體回憶音樂會」音樂會，Gigi是其中一名表演歌手，在台上她選擇了四大天王的歌曲表演，台上的Gigi完全冇怯場，不過她透露上台前一刻勁緊張：「見到Fans好支持我哋，又叫我哋個名，又舉住燈牌就安心咗好多。」

現年16歲的Gigi 還處於求學階段，暑假即將完結，她笑言功課還未完成：「夏天就咁悄悄的過，我都會好期待返學，然後放學會做自已鍾意做嘅事。依家已經做咗大部份功課，仲有少部份可以快速完成。」

而現時人氣急升的她，回到校園相信是萬人迷，亦一定會受不少目光注視，Gigi坦言不會緊張：「可能我比較佛系，冇乜太大感覺。我就唔係幾驚，注意係有多過比起我參加比賽之前。」