蘇永康為陪伴兒子長大放棄北上搵真銀：佢依家先4歲陪多啲佢
撰文：賴家杰
出版：更新：
蘇永康（阿公）今天（26日）出席「新城30+集體回憶音樂會」音樂會，現場唱了兩首成名作，分別是《那誰》和《越問越傷心》，阿公直言已有一年沒有出席大型音樂會：「呢一個係復出Show，久違唔記得咗嘅緊張，啱啱係有。當然我希望可以盡快開Show，咁疫情會更加好，咁我休息咗成年，當復出。」
現場亦有炎明熹（Gigi），阿公表示一直欣賞她，亦是Gigi的粉絲，「Gigi一直都係我最愛，我新秀比賽都係17歲，佢哋真係好精靈。（所以阿仔都剪Gigi個髮型？）真係咁啱，我髮型師嘅設計。」
好兄弟梁漢文近日在內地綜藝節目《披棘斬荊的哥哥》受傷，阿公知道後相當擔心，他說：「我唔知道佢撞得咁嚴重，搽咗粉底都見到腫咗，一陣出返去我就打電話問候佢。」
提到不少兄弟都回到內地發展，阿公雖然不抗拒，但現階段因為疫情，去其他地方的隔離成本很高，尤其在6月離開香港工作惹兒子生氣，他說：「我上次同太太去上海，佢FaceTime成個星期都唔理我，未必會再出去，依家先4歲，盡可能陪多啲佢。」
炎明熹都有同場：