姜濤傳被Edan欺凌 「受害人」笑住解釋：男仔開玩笑唔識得分寸
撰文：鄺鈺瑩
出版：更新：
MIRROR 12子今晚齊齊出席手機品牌活動，雖然活動不對外開放，但商場外以及會場旁的停車場仍聚集了大批鏡粉。
MIRROR現身時，隊長Lokman 表示自從演唱會後，今晚總算齊人演出，並首次現場獻唱《BOSS》。提到今日網上流出Edan與姜濤的打鬧片段，有報道更指姜濤受到「欺凌」，兩位當時人就話誤會一場，不過講講吓，姜濤都忍唔住彈Edan 耳仔以示懲罰。Edan說：「手勢係唔啱，大家唔好學，但男仔之間玩得太興奮，就好易會有呢啲白痴行為，但絕對唔係欺凌，大家應該都知道我同姜濤係好朋友，又會放「黑圖」，大家唔使覺得我欺凌佢，好多時都係大家欺凌我。」
之後Edan問姜濤有咩感受時，其他隊友在旁笑言「佢喊架啦」，而姜濤先係表示「無嘢無嘢」之後再問Edan 「咁答啱唔啱？」完全戲子上身一樣，其後他才表示：「男仔開玩笑唔識得分寸，老實講我哋有時玩得更過份，但會喺鏡頭前識得收斂，因為花姐喺我哋出道時有講過要做好藝人嘅責任，但今次真係誤會，大家唔使咁小題大造。」
+10