21歲游嘉欣入行三年榮升「女一」 監製林肯︰新劇十月出街!
撰文:陳栢宇
出版:更新:
無綫(TVB)過去常被外界指青黃不接,年輕新血缺乏機會上位,但近年這個局面逐漸扭轉,繼「廢青安」周嘉洛擔正演出新劇《痞子殿下》後,再有多一位新星有份做劇集主角,她便是入行僅得三年、憑《香港愛情故事》彈起的21歲游嘉欣。
游嘉欣《#後生仔傾吓偈》船P曬長腿纖腰 Fit到爆炸放電謀殺宅男


+55
新劇監製林肯接受《香港01》訪問時承認游嘉欣即將擔任第一女主角,而「男一」則是林正峰:「繼續係拍貼地嘢,今次有5集,每集半個鐘,下個禮拜開始拍,預計兩個禮拜內拍完,諗住十月出街。」他又指劇集主要講述年青人面對的問題,其中林正峰便是一名「躺平族」:「黃子雄就係做游嘉欣嘅爸爸,佢係一個Co-working Space嘅老闆,佢好想幫年輕人追夢,之後佢就同游嘉欣一齊扶番正林正峰,佢個角色都好玩㗎,都有難度嘅。」