麥貝夷被舊愛翟威廉視為「性伴」　終放下創傷：人生總有不如意事

麥貝夷（Karene）今日（10/8）現身荃灣出席香港開電視「2020東京奧運」慶功宴。提到早前受舊愛翟威廉視為「炮友」情緒深受打擊，終日以淚洗面要睇精神科醫生，需靠藥物穩定精緒。Karene表示：「而家嘅情緒都Ok，因為個治療都幾順利，需要定期覆診食藥，所以都好感恩身邊家人同朋友嘅支持。（件事放低咗未？）我諗人生總有好多不如意嘅事，咁預期你定睛望係一啲令自己唔開心嘅事上，我覺得辛苦係自己，咁所以我都上擺多啲係開心嘅事上。」

問到受感情創傷後，會否難再投入新戀情？Karene直言：「其實我經歷咗好多人際關係上嘅事情，而嗰件事件都唔係只係感情上，而係仲有友誼上嘅背叛，喺我理解當中係咁。所以係種種人際關係中碰壁之後，我就發覺自己應該再慢熱一啲，咁所以女性本身應該同異性都要保持距離嘅。（如果同翟威廉碰面會否打招呼？）都會打招呼，因為係禮貌嚟。」