港姐2021丨兩佳麗極誠實認想暴富追星　嚇到曹敏莉縮沙唔揀入組

無綫舉行的香港小姐2021以真人騷《We Miss Hong Kong STAY-cation晉級賽》方式訓練及淘汰佳麗。今日播出的第一集先介紹曹敏莉、向海嵐、劉倩婷、張嘉兒，以及張秀文、朱晨麗、馮盈盈、何依婷8位師姐及主持陳凱琳出場，眾人分成紅、綠、橙及粉紅4組擔任導師。

首個比賽要佳麗在20分鐘內換衫化妝，不過台上表現更一目了然佳麗個性。余曉蕙自我介紹時極誠實：「希望可以暴富」，多位師姐以為聽錯，馮盈盈出馬解釋：「應該係可以發達咁解。」原本有意撳燈的曹敏莉縮手，另一佳麗陳詩帆台上說參賽是想追星：「目標完成咗一半，今日都見過好多未見過嘅明星。」結果與余曉蕙同樣跌入危險區。

以「#麥明詩師妹」自我介紹的馬祖雁，一出場就被馮盈盈及張嘉兒狂拍燈揀入組，馬祖雁說：「28個中我塊面最大，鏡頭都佔最多。」張秀文又問馬祖雁：「麥明詩同馮盈盈合作完就唔做呢行，你擔唔擔心？」馬祖雁一招化解：「唔會擔心，因為有留意到佢哋係好好朋友，互相支持。」

點擊睇其他佳麗分組出色表現：