余逸思挑戰新海洋公園「八彩天梯」 喊驚着兩條泳褲打底
撰文：吳子生
出版：更新：
沈殷怡（Shirley)和余逸思(Yoshi)今日（9/8）現身香港仔出席海洋公園水上樂園「八彩天梯」下水禮。Yoshi表示：「一開始嘅時候，我喺上面係超級驚，係因為我好怕離心力，同埋玩機動游戲。但當我見到呢條天梯垂直落去，再加上中途係密封唔見光睇唔到，咁所以未玩嘅時候係好驚，但滑落嚟又好正喎。」Shirley直言衝梯感覺超正：「因為我個人比較鍾意啲刺激嘅運動，所以頭先衝渣落嚟個吓好夠喉。」
被問事前如何做定泳衣防走光措施？Yoshi笑言：「我係第一次著泳衣著兩條泳褲，哈哈！因為唔知個衝力有幾勁，所以都係安全至上。（點解唔著短褲？）其實原先我係安排咗一件泳衣裙，但佢哋就笑我似啦啦隊，再加埋個髮型又咁，所以最後我就決定唔著嗰條泳衣裙。」