陳曉華激瘦10kg鎖骨肩膊骨極突出　震撼網民：瘦到唔同晒樣認唔出

2018年港姐冠軍陳曉華（Hera）本身已經好瘦，由她參選港姐以來一向都擁有纖瘦的身形，可是她去年中曾經肥了10kg，為了回復Fit爆身材，Hera便努力減肥。當時她曾表示自己因為有一段時間沒有開劇，她還笑言化妝都要打好重陰影，不然上鏡便會好肥。她亦有密密做運動包括踩單車、跑步以及打拳等，希望可以減到十磅。身高173cm的Hera選港姐時大約是48kg，後來肥了10kg急升至58kg，即是差不多128磅了。

Hera日前出席公開活動時，身穿背心連身裙的她瘦到見晒骨，鎖骨和肩膊骨極突出，整個人比前瘦了一圈，目測只有100磅左右，明顯已成功修身，她表示已減了10kg，現時的身形甚至比參選港姐時更Fit。她又希望再收多些水分，一直Keep住，因為辛苦減磅，故不想反彈。而她昨日於IG post的新相，相中她的樣貌更是瘦到變了樣，塊面超細，真是面無半兩肉，樣貌跟以前有很大分別，完全變了樣彷如另一個人似的，雖然依然是好靚女，但有不少網民都留言表示：「完全認唔出來。」問到是如何激減10kg，Hera接受《香港01》訪問時表示：「決心要減肥之後，就戒左宵夜，盡量早啲食晚餐，食少啲零食，唔會完全戒晒，因為咁樣會好大壓力，好難維持。開始做運動，會做幾樣運動，網球、跆拳道、籃球、gym、瑜珈之類。最緊要心情愉快，依家算係恢復返同之前差唔多。」

點擊睇Hera激瘦唔同咗樣以及她的其他靚相：