黃芷晴睇奥運激發做運動意欲　笑指身上暗藏贅肉對雙腿最有自信

黃芷晴（Adrian）今日（1日）與黃德斌一同出席運動揭幕禮，並向現場市民派發氣球及現金禮券，她表示今日已經收到第一階段發放的消費券，打算用來買電腦用來做手作設計，而爸爸黃日華則是實際派，主要在泊車時拍卡付款。

東京奧運賽事現正進行得如火如荼，她表示自己尤其熱愛看花劍、游泳和射擊賽事：「香港運動員真係超犀利！我都有上網睇過，香港參加咁多年都係攞過六面獎牌，但今年已經有三面，攞咗一半，真係好想多謝佢哋，加油！」

芷晴笑言自己向來沒有運動習慣，但看完奧運都激發了自己的運動細胞：「我真係要做下運動，可能要去跑下步，真係要郁下！」她表示自己身上有不少贅肉，只能用衣服遮蓋著，不過自己則對雙腿比較有自信，平時經常搽身體乳和防曬箱保持白滑：「不過最近出去影相咬咗好多蚊爛，希望再保養得好啲！」