東京奧運︱陳約臨「出事」後正式復出　全程做花瓶搵方力申傍實

東京奧運正在舉行，除了賽事直播，無綫（TVB）亦製作不同節目，讓觀眾一探這件體壇盛事的各個面向。在前晚（29/7）播出，周奕瑋（Jarvis）和吳業坤主持的節目《東京五輪直送》第14集中，兩人便跟住經驗豐富的方力申入採訪區學「扑咪」，取經後更主動叫停港隊賽艇選手洪詠甄問問題，豈料坤哥臨時縮沙「冇呀、冇呀，你走啦、你走啦」，搞到Jarvis要代問：「坤哥想問你鍾意小方啲歌多啲定係佢啲歌多啲？」而洪詠甄就忍不住笑說：「其實我冇聽中文歌！」場面非常惹笑。另外，早前「迷妹式」訪問男子個人花劍金牌選手張家朗的陳約臨亦有在節目中亮相，但只閃現兩秒左右，仲要零對白，全程只是企在方力申旁邊。

點擊下圖觀看節目畫面：