【中華小姐．泳裝多圖】林宣妤少飲水keep身材 馮盈盈腳震好緊張
撰文：郭敏玲
出版：更新：
16位華姐早兩日已拍過泳裝花絮，泳裝點止著一日咁少？今日她們再以泳裝示人兼互選友誼小姐。一向是焦點的5號主場佳麗林宣妤，今日似乎有少少跌watt，精神似乎唔太好，加上著了泳裝，眼見林宣妤腰間有少少肉地。她否認精神不好：「日日都瞓得好好呀。」但對於身材，她就表示：「都嚟唔切keep㗎啦，冇時間做gym，唯有飲少啲水。」
攝影：郭敏玲
至於3號本地薑馮盈盈表現緊張，在台前似乎有啲腳震，她解釋是對鞋太鬆。之前講到身材上輸蝕畀其他佳麗，馮盈盈話靠氣質取勝。今次來到馬來西亞參賽，馮盈盈話學識獨立，她講到爸爸擔心自己決賽表演魔術會甩轆，曾建議魔術師都飛埋過去，她笑言：「人哋都有自己嘢做嘅。」馮盈盈坦言擔心自己孤單一人，加上雲頂被傳是猛鬼勝地，她有聽聞但因為有人陪，最後都瞓得好安樂。問到入房前有無叩下門先？她笑言：「我同roommate 都有諗過呀，但入房前入面有人本整緊冷氣，都真係要叩下門先嘅。」
【中華小姐】馮盈盈貼地林宣妤親切 法官大人請問點揀好? 【中華小姐】9號李明子原來有朝鮮血統：沒有認識北韓朋友【中華小姐】大熱林宣妤三點式水著無限loop 馮盈盈變配角面都燶【中華小姐．起底多圖】林宣妤純樣變女神 高登仔勁讚：靚到發光