何雁詩宣佈離開12年娘家　跳出舒適圈：明日展開事業新一頁

何雁詩日前有傳不再與無綫續約，她昨晚出席活動時不置可否，但她今日終於在facebook說再現：「估唔到我人生第一份工一做就做咗12年，由中學畢業到結婚都係係呢間公司渡過！我所有關於呢一個行業嘅知識，都幾乎完全係TVB學習翻嚟！不過，呢個世界係好大架，有好多地方&事情我都仲未見識過同埋需要學習。我都係時候跳出自己嘅comfort zone，去出面嘅世界學習一下。所以呢⋯由明天開始，會展開人生及事業的新一頁啦！」

何雁詩晚上回覆《香港01》時透露早一段時間前已決定離巢：「正正係今日last day，所以先對外宣佈。嚟緊自己搞住先，唔心急，唔排除同其他人發展，遲啲有工作會自己處理住先。」同屆「巨聲幫」的許廷鏗答應做ViuTV《全民造星4》導師，何雁詩會否心郁擔任評審？她說：「做評審我就未夠班，但如果遲啲有宣傳歌嘅機會，我都會想試下。」