《潮什麼》梁芷珮孖老公飛冰島　大解放浸天然溫泉：放鬆咗再拼搏

新冠肺炎疫情下，全球航運幾近停擺，憑TVB旅遊節目《潮甚麼》廣受觀眾歡迎，被封為「人妻女神」嘅梁芷珮（Christy），亦有很長一段時間未有離港。近日疫情漸緩和，Christy急不及待與老公Kenneth出發到冰島，更大解放分享三點式泳照。

7月初冰島正式解封，成為疫情以來首個重新恢復全面旅遊的歐洲國家，只要接種該國認可的疫苗就可以免檢疫，Christy早幾日分享大家熟悉的機場打卡照，表示與老公出發到冰島拍攝《潮什麼》，是次行程三名子女並無同行。除了參觀活火山，更出動三點式浸天然溫泉：「行去睇啱啱3月仲爆緊嘅活火山！仲可以咁近摸到啱啱凍咗嘅熔岩！人生第一次！呢20日嘅行程全部由老公plan同安排，佢話要day 1 去blue lagoon ，放鬆咗先再拼搏！淨係夏天先玩得嘅冰島活動篇～行咗個幾鐘，上上落落幾個山頭先去到嘅呢個天然溫泉仙境…靚到咁，行遠啲都抵晒！」