余德丞否認因身體狀況無法代表TVB去東京：唔好用有色眼鏡嚟睇我
撰文：趙允琳
出版：更新：
余德丞（Dickson）今日（13日）現身將軍澳電視城出席「2020東京奧運會」記者會，熱愛足球的Dickson坦言有觀看周日上演的意大利對英格蘭歐國盃決賽，亦有留意到在互射十二碼階段中三名射失的英格蘭黑人球員拉舒福特、辛祖及沙卡慘受網絡欺凌事件：「喺呢場波之後係咁攻擊幾個球員，我覺得種族歧視呢樣嘢係唔應該發生！所以同奧運一樣，係要宣揚比賽好重要之外，友誼亦好重要。」
三年前Dickson踢波時突然心律不正昏迷入ICU留醫而震驚娛樂圈，雖然現時已經完全康復，醫生亦表示他能工作及出外旅遊，但早前他在節目《Mean Talk》中直言自己仍被標籤為病人，要四處跪求工作機會：「其實我好健康，噚晚先踢完波，可能喺某啲人嘅眼中我仲係一個病人，但正如歐國盃中嘅瑞士球員艾歷臣事件，大家都更認識心律不正嘅情況係點，而再之前一個荷蘭球員白連特都曾發生一模一樣嘅情況，今年都有踢歐國盃，佢都可以再喺呢個國際舞台代表國家隊踢波，如果其他人都冇用有色眼鏡睇佢，我希望都唔好用有色眼鏡嚟睇我。」
同場加映：Mean Talk｜余德丞入ICU後被標籤失工作機會 「我覺得好唔公平」
+5