【世界零距離III】方東昇老婆係初戀女友　網友激讚：靠佢救廣告

新聞主播方東昇出名愛妻，形象又好，以前擔任《晚間新聞》主播，經已吸引大批觀眾支持。在2014年播出《世界零距離》以方東昇幽默風趣主持風格，大受網民歡迎，前年再拍續集《世界零距離II》。《世界零距離III》昨晚在翡翠台播放半小時版本，再次獲得網民追捧。今次方東昇亦繼續與兩位師妹陳沛珈、黃曉瑩合作，走訪埃塞俄比亞、厄瓜多爾、哈薩克、海參崴、加里寧格勒、巴拿馬、加泰羅尼亞等冷門國度。

方東昇98年加入無綫新聞部，畢業於中文大學，直至在舊同事吳先瑩婚宴上認識對方妹妹吳先玲，為了追女仔更參加對方教會活動。昇爺在26歲才開始初戀，拍拖4年就結婚。他大讚老婆性格善良，又靚又有內涵，口才了得的昇爺果然好識做！

最近無綫劇集未夠吸引，網友大讚《世界零距離III》好生動︰「乜搞下搞下…變左（咗）22:30時段,，仲吸引過20:30, 21:30時段既（嘅）劇集」又笑言無綫可能靠《世界零距離III》帶旺到淡季廣告和收視，網友又留言︰「呢套嘢一有提名就一定會有獎」大家似乎都好buy昇爺，笑指集集都有金句，當節目十足「笑笑小電影」又希望開拍第四季！