唐安麟擔任模特兒大賽評判　未有刻意搵林志玲接班人

三位星級嘉賓唐安麒（Angel）、何國鉦(Dorian)及Sunny Wong今日（8/7）現身沙田為《2021亞洲模特兒超級大賽準決賽》擔任評判。比賽未開始前，Dorian受訪時笑言：「剛才經過後台見到好多肉周圍走，係因為見到啲女參賽者著住件泳衣，我只係望到佢哋嘅背影，而未有去詳細咁睇。」

講起會否借今次機會搵林志玲（Chiling）接班人，Angel表示：「其實我又冇話刻意去搵Chiling接班人嘅，但如果一定要搵人，就一定要睇咗身材先，因為大家都知Chiling最好嘅一定係身材，咁所以一陣我會金睛火眼𥄫住啲參賽者，睇吓搵唔搵到。」