莊思敏代妹澄清到醫院求診　叫楊明做媒人介紹男友

莊思敏與陳展鵬、林夏薇等演員今日出席新劇《乘勝狙擊》宣傳活動。近日有傳媒拍到莊思明早前與男友楊明到醫院求診，期間更被指搓肚作嘔。Jacquelin對此就替妹妹否認：「嗰啲係舊相，其實聖誕之前已經影咗，當時佢都知有記者跟去。」她續指與妹妹同住，所以對方發生甚麼事都一清二楚，又替妹妹解話：「佢而家冇病冇痛，我又唔想睇完報道就特登問佢，咁樣又好奇怪。」

莊思敏講到妹妹與與楊明都應該會有計劃過將來，而目前感情都很穩定，問到會否希望妹妹先結婚後生B，Jacquelin說：「呢個世代結唔結婚先都唔緊要，反而係兩個人要有共識去一齊生活。楊明而家喺事業上有唔錯嘅成續，都會花多啲時間喺工作上面，而我妹妹未來都有新動向。（今年有冇機會結婚？）今年呀？應該唔會啦，就算係，我通常都係被通知㗎。」至於會否叫楊明介紹男生給她，Jacquelin二話不說：「有呀！無理由得佢哋係度放閃㗎嘛！（要乜條件？）最重要溝通到。」