陳展鵬光頭Look宣傳《乘勝狙擊》：收視好食齋一個月

陳展鵬今日以光頭look出席賀歲劇《乘勝狙擊》，原來他要為古裝劇《天命》剃頭，還表示剃頭剃到慣了，也迫住要剃頭出席宣傳活動及訪問。陳展鵬剃頭剃到興致勃勃，笑言《乘勝狙擊》第一星期收視好，就食齋一個月。

陳展鵬拍完《同盟》又要拍《天命》，但他表示暫時還好：「上年直頭係一年開5套劇，所以而家算少嘢。」拍劇忙，陳展鵬甚少時間休息，聽聞睡眠質素麻麻地，疑似俾鬼壓？他解釋：「咁又唔係，係的確唔夠瞓，但有時好驚遲到，所以瞓覺都好似提心吊膽咁。」

新劇關於賭博，但未出街就被網民將之與賭博電影比較，展鵬對此有點百思不得其解：「其實公司都好耐無拍過賭劇，而且賀歲劇題材多數都係賭，自己又唔覺同其他電影有幾似，加上劇嘅背景係賭，實則係講彼此之間嘅權鬥。」陳展鵬就算第一次做賭徒，都沒有刻意參與其他作品，「參考自己，今次有啲特別，以往都就咁攤副牌然後有3條A，今次都有啲手法效果咁，同以前年代唔同。」