陳展鵬亂入新劇加重份量？ 視帝唔介意陪襯張振朗：呢場仗係要打

由高海寧（高Ling）、張振朗擔正嘅無綫新劇《童時愛上你》原定在3月開拍，但有傳在圍讀劇本期間，公司高層發現唔對路，並即時叫停拍攝，兼下令將劇本「大執」，劇集監製廖晉碩當時曾指「劇本係可以再好啲」。

雖然拍攝延期，但高Ling並沒有呆等，更隨即北上賺人仔，直到近日才返港開工。而張振朗就一直留在香港，期間只係參與綜藝節目《好聱好戲》，他在5日前曾在IG上載《童》嘅劇本照片，並發文表示「功課日」，但張振朗呢番心機可能會白白浪費，因為有傳佢已正式被易角，而陳展鵬將接替其角色，與高Ling在劇中談情，而3日張表朗前曾在IG發文表示「既來之 則安之」，未知是否有何意思。

陳展鵬接受《香港01》訪問時透露他在劇中將與張振朗同時圍繞著高Ling：「我而家個角色本身係張頴康嘅，公司安排得我去做可能係覺得適合我啦，想將件事做到最好，我睇過劇本覺得無咩大問題，呢幾日都有返去圍讀。(覺唔覺得自己被安排去陪襯張振朗?）我又無咩所謂，視帝去襯佢，觀眾覺得ok、睇得舒服就可以。」陳展鵬認為《逆天奇案》令觀眾重拾對公司的信心、口碑，好應該將之後的作品做得更好，所以十分理解《童》的劇本要「大執」，並謂「呢場仗係要打」。

同場加映：消息指陳展鵬連拍三劇只是表面風光　人氣視帝變陪襯隨時心灰意冷