陸浩明為響應「明星運動會」加操不慎受傷入院：骨裂隻腳腫晒
撰文：吳子生
出版：更新：
陸浩明（6號）今日（30/6）帶上傷陣現身電視城出席《睇電視抽WeFun 5000融易變10000》記者會。早前6號為響應《東京奧運2020》參加無綫「明星運動會」，提前加操鍛鍊時，不慎受傷入院：「因為疫情嘅關係，好多場地都封場打唔到波，咁啱啲球場又開返，跟住有個朋友話有個室內場開咗，就叫埋我一齊去踢波。點知成年冇踢，一踢就出事，可能自己熱身唔夠，一轉身隻腳板就『啪』一聲，痛到出唔到聲，跟住隻腳就腫晒，跟住後尾漏夜入院，醫生話骨裂要打石膏用拐杖行路。紥咗成個月石膏啱啱先拆咗。受傷之後，啲人成日笑我打跛腳唔使做，其實係打跛腳都要做。」