鍾培生不滿林作網絡欺凌　將替天行道：喺擂台用盡全力打爆佢個嘴

鍾培生及林作今日（27日）錄製遊戲節目。鍾培生表示將於明日記者會公開9月拳賽細節，又透露將會有多位名人出席拳賽，「有啲好明星級嘅人會嚟打，無論係喺體育盛事、演藝圈，一啲你好驚喜嘅人都會嚟。」

鍾培生不滿林作抽「佛祖」Kirsten水。（梁碧玲攝）

至於早前他於無綫（TVB）綜藝節目《Mean Talk》自爆曾連續性交兩小時，他指：「我既然上得節目，問啲刁鑽問題我都會答，唔係我唔會上。」談及最近頻頻與林作合作交流，問有否對林作改觀，他肯定地表示：「都係一樣咁唔鍾意佢。（對佢）不嬲都冇仇恨值，但將會喺擂台度用盡全力，打爆佢個嘴。」

林作近日冒認為「佛祖」Kirsten（利愛安）提名人，鍾培生則照舊鬧爆林作，「引導大家網絡霸凌，去恰一個女仔，呢啲亦都係一開始點解扚起心肝，想替天行道（嘅原因）。」

鍾培生希望替天行道，於9月拳賽打爆林作。（梁碧玲攝）

即看鍾培生自誇性能力片段：

同場加映

+25