【八時入席】無綫外景燒味飯盒唔只值$18　簡淑兒：有時有鹹蛋

無綫處境劇《愛．回家之八時入席》終於完滿結束，應該有不少人懷念，很多粉絲都覺得編劇經常借劇情諷刺無綫，好像昨日（5日）劇情講TVI外景飯盒錢只得18蚊津貼，令到邦主(黎耀祥飾)和時生(楊瑞麟飾)嘈交，雖然只是一個情節，但就令到網友無限聯想，以為無綫真的是18蚊津貼外景飯盒。

但實情是無綫好大方，每個外景飯盒價值30蚊，據劇組工作人員透露，無綫每次外景飯盒都是幫襯黃大仙鳳凰燒臘飯店，早上或晚上外景飯盒都是這間包辦，每次都有燒味單拼、雙拼飯盒，再加一罐飲品，無論你是臨時演員、工作人員，或是陳展鵬、胡定欣等一綫小生花旦，都是食同一個飯盒，非常之公平。

不過如果有同事不想食飯盒出外自費，都可以憑單據問劇組收回30蚊津貼，時生楊瑞麟就表示幾好食，他說：「我好少外景，但食過都唔錯，有雙拼又有罐嘢飲，唔錯啦。」連女神簡淑兒都愛食，她說：「我都幾鍾意食㗎，尤其叉雞雙拼但唔係成日攞到㗎，有時仲有鹹蛋㖭。」