李君妍台上大展拳法。（梁碧玲攝）李君妍今日（24/6）現身電視城出席J2《明星運動會前哨戰：Fight盡》宣傳造勢活動。作為「拳擊」比賽項目參賽者的李君妍表示：「其實係呢個半個月時間訓練過程都真係好辛苦，因為要連續4個鐘唔停咁訓練，只係間中飲下水，跟住之後就要係咁爆，都真係幾攰。而我初初練拳嘅時候，經常都會食拳食到怕，但食慣咗之後，我反而會嬲自己點解會中拳，唔知係咪食得多拳，我發覺條頸粗咗又硬咗。」李君妍今日出席J2《明星運動會前哨戰：Fight盡》宣傳造勢活動。（梁碧玲攝）