G.E.M.25歲出自傳電影《一路逆風》：希望有1000萬人睇

鄧紫棋（G.E.M.） 繼推出《25LOOKS》寫真集之後又一力作，個人首部青春勵志電影《一路逆風》現正進行宣傳。話就話係電影，其實係一部個人自傳，25歲出「自傳」？你冇聽錯，G.E.M.更已經在重慶、成都、上海、廣州、北京等地完成宣傳，而本月18日更會來到下一站：香港。
不過電影票價135元，大部分使用普通話，難怪有網民批評：「返去大陸播啦！」

G.E.M.剛於北京舉行電影首映禮，雖然當日受霧霾及寒冷天氣影響，氣溫更一度跌至零下五度，但G.E.M.依然發揮既專業的「模特兒精神」，以一身啡色Deep V吊帶連身裝，配毛毛大衣亮相。

其中G.E.M.自嘲「演技太爛」，而得出的結論是，演技不好在鏡頭前就不會掩飾，會以最真實的故事展現最真實的自己，又謂沒有想過電影的票房：「作為歌手從來冇諗過呢個問題，票房只係數字，更希望可以實實在在影響到每個觀眾，如果全國有13億人，我希望有1000萬人睇到《一路逆風》就好滿足啦。」哇，1000萬人，比香港的人口總數還要多啊，好厲害啊！

雖然電影市場明顯屬於內地，但1月20日-22日將會在香港上映，票價135元，原來是參考演唱會電影或自傳式電影而定，究竟值不值，或者要睇過電影才能下定斷。

至於電影，到底25年的人生可以加插什麼故事呢？其中一件就是當年轟動一時的湖南衛視換歌事件，當時《我是歌手》導演洪濤一句「你不換歌，我們換人」，引發G.E.M.被指耍大牌的傳聞。G.E.M.在電影中重提洗底，更謂不怕再被抹黑：「以前一開始面對非議，很多事都唔能夠睇到真相，冇得去解釋，真係有啲難受。但依家經歷咗咁耐成長，心態已經改變。當你做咩都會有『莫須有』嘅聲音時，其實就唔會有任何顧慮。」

另外，片段中亦有公開絕密童年片段，提起已離世的音樂啟蒙老師－外婆，有兩婆孫一齊彈琴的昔日片段，而鄧媽媽更大爆G.E.M.的童年歲月：「佢（G.E.M.）細個好任性，你叫佢去東，佢就去西，但唯一就最聽婆婆話。」