《手捲煙》陳健朗被讚有杜Sir風味 ：聽到都好興奮

由影帝林家棟主演的《手捲煙》今日（15/6）舉辦首映禮，電影由新晉導演陳健朗首次執導，訪問時他提及都擔心因疫情關係令電影一延再延期。

陳健朗先講到拍攝時期撞中新冠肺炎疫情開始爆發，都有諗過煞停，但跟團體、演員開完會後，都覺得上下一心盡量完成，當然疫情無法估計，都是做好手頭上所能處理好的事，希望可以讓更多人知道《手捲煙》這套香港作品。

較早前試片時已經有好多人大讚《手捲煙》畫面拍攝得好靚，甚有杜Sir的風味，陳健朗表示：「其實自己聽到都好興奮，對自己來說都希望不斷地學習，因為杜琪峯導演係其中一位我好鍾意的導演，所以某程度上都會不自覺吸收了一些風格，所以在自己的作品中都會嘗試學以致用，當然不是完全照辦煮碗，都會有另一種演繹手法。」