造美人︱亞姐Dorothy冇份直入12強　獲讚五官超靚但素顏好唔掂？

ViuTV選美真人騷《造美人》今晚（6/8）第二集繼續第一輪淘汰賽，當中最受注目的，絕對是曾經參加過亞洲小姐選舉的12號Dorothy（羅卿娗），顏值頗高的她一出場便向所有人派心心，非常活潑。不過，她原來對自己沒甚自信，面試時更對住鏡頭說：「我覺得自己瘦得唔好睇，所以我會着長褲遮住我嘅缺點。」而一眾「Mean精」點評她時，雖然大讚她五官端正，是正宗的選美樣，但仍然搵到位挑剔，不但大彈背脊多斑，更似她擁有「洗衫板」身形：「鼻靚、嘴靚、眼靚、額頭靚、眉毛靚、面形靚，Perfect，分開睇嘅話。」而強尼為首的評判團則認為她未夠進取、「戰鬥格」，所以把她放進候補區。

點擊下圖觀看素顏Dorothy：

雖然曾經參選亞姐的Dorothy未能直接晉身下輪比賽，但11號Tracy、16號Jonie和13號Ice便因為表現好而繞過候補區提前晉級，與首集已經出線的2號Kathy、3號AB、4號Miko、6號OK、8號Shweto，直入12強。