愛回家│金城安離開《開心速遞》 監製唔捨得：感覺似睇住佢大

周嘉洛由於要開拍新劇《痞子殿下》，所以要暫別《開心速遞》，昨晚播出最後一集後，不少觀眾都唔捨得他離開劇組，原來連監製林建祥都不捨，他接受《香港01》訪問，表示好希望周嘉洛回劇組，他說：「而家又未度到佢返嚟劇組，好隨緣囉，佢出得去(離開劇組)都望佢，劇接劇咁開，可以繼續成功落去，我亦掉返轉都望佢間唔中返下嚟，但我哋未有時間表，未有度訂住，其實佢都係離開咗劇組嗰零星期啫。」

監製林建祥表示同周嘉洛合作有不少回憶：「自己好唔捨得，呢幾集都係鋪佢大學畢業，之後揾嘢做再離開啦，其實唔捨得嘅仲有劇組其他人，希望佢可以返到嚟，感覺好似睇住佢大咁，突然間諗起Jim Carrey嗰套電影《The Truman show》，全世界睇住佢，之後佢衝出去，嗰種感覺，同嘉洛合作好多嘢都記得。」