孫慧雪新婚即開工　冇得蜜月老公投訴：連短Trip都去唔到！

吳雨霏（Kary），袁偉豪，羅力威，麥美恩（Mayanne），何珮珉，孫慧雪，湯洛雯（Roxanne）等現身上水廣場出席「上水廣場倒數華麗派對迎2017」，六位女神Mayanne，何珮珉，阿雪，Roxanne，高海寧率先以一身晚裝亮相，在台上走貓步，相當高貴。

接着出爐「最受歡迎電視男角色」袁偉豪即席獻唱兩首歌，期間已換好衫的高海寧更走到台前為對方拍照。而Mayyane，彭紀諺亦有高歌兩曲。

其中婚後首次出席活動的阿雪，結婚幾日就火速開工，難道不用Honey Moon?她直言因為工作關係要推遲幾個月才去：「因為接咗Job，可能要幾個月後，連短Trip都去唔到，老公都有投訴，會話又返工。 」

雖然無辦法即刻起行，但阿雪就已經想定要去哪兒：「想去巴黎，一直冇去，想留住同一個好重要嘅人先去，之前想同佢（老公）去，但個排恐襲，試過兩三次都取消，一次因為屋企有啲事，如果度蜜月想去巴黎。」她又表示因為忙於處理婚後的手尾，所以聖誕節在瞓死中度過，而來年有份參演的《我要發達》將會上映，監製不時叫她多出來宣傳。