【惡搞十月初五的月光】Bob初哥哥做手語　麥玲玲：冇人認得我　

林盛斌（Bob）、麥玲玲及唐詩詠等主演的賀歲電影《我要發達》再有預告片，阿Bob和麥玲玲今次惡搞《十月初五的月光》經典一幕，扮成初哥哥和君好，非常搞笑呀。所謂《十月初五的月光》的經典場面，原來是電影內容的一部分，講到阿Bob和麥玲玲婚前的「約會」情況，大玩有味搞笑。不過，講到好笑，都係兩人的初哥哥和君好造型，都跟足晒原片，鏡頭角度都一模一樣。

監製葉念琛就話係特登咁做：「《十月初五的月光》都是我的作品，既然惡搞就玩盡佢，所有設定都跟原片一樣，效果才會搞笑。」扮演佘詩曼的麥玲玲回憶當天在尖沙咀拍攝也十分好玩，她表示：「當日條街熙來攘往，但我以君好造型走在人群中，竟然冇人認得我！反而阿Bob的造型十分抵死，誇張的手語演繹，獲不少途人認出。」雖然阿Bob戲內搞笑，但現實中就十分窩心，坦言發了橫財，會與最愛的人一起分享：「如果真係中咗六合彩，一定第一時間走去攞錢，因為年中有唔少人中咗都冇去攞錢，跟住將啲彩金分畀身邊嘅人，當然有外父外母老竇老母份，等佢哋好好享受下！」