日日媽媽聲︱黎燕珊何婉盈成單親媽媽後　拒絕在兒女前打前夫毒針

近日TVB播出的訪談節目《日日媽媽聲》講到單親家庭在香港日漸普遍，母兼父職比父兼母職嘅比率還要多，最新一集請到兩位單親媽媽黎燕珊和何婉盈，她們在離婚後肩負起照顧家庭的責任。對於主持提到離婚後遇到最困難的事情，黎燕珊直言第一個想法是怎麼辦：「嚟緊條路點行呢應該？其實我好正面去諗，我唔會哭哭啼啼，有啲人會覺得好愁。對我嚟講最大困難緊係經濟啦，當我出去做嘢咪請工人姐姐。」

對於離婚，何婉盈認為性格不合便應該趁女兒還小的時候去做離婚這件事情，她認為自己單方面也能給女兒快樂。不過何婉盈透露總會遇到一個問題，便是女兒問為何朋友都有爸爸，而她卻沒有，「學校活動通常都係得我出席，佢就開始問我，我就會同佢講爸爸同我生活上唔夾，其他嘢冇乜事，我唔係好接受係小朋友面前大家講大家壞話，俗語話打毒針。」在旁的黎燕珊十分認同，直言從不會在兒子和女兒面前說前夫的壞話。

點擊睇二人更多與兒女合照靚相！