沈卓盈宣布誕下6.2磅兒子Jayden　爆換片趣事：請咗我同老公飲茶

藝人沈卓盈（Jess）懷胎十月，今天（20日）Jess在社交平台跟大家報喜及平安，順利誕下兒子Jayden，同時也在社交網站上分享榮升做媽媽的喜悅和過程，Jess向傳媒透露說：「BB重6.2磅，老公有陪我入產房同埋親手幫BB剪臍帶，成個過程都好順利，不過生嘅時候超緊張，但聽到BB嘅喊聲忍唔住喊出嚟，見證BB出世真係好感動。屋企人話額頭同嘴仔似爸爸，對眼同鼻就似我。」

成為新手媽媽之後，Jess直言產前沒有特別上堂學習照顧BB，「都係同身邊媽媽一樣，邊湊邊學，身邊朋友都同我講頭幾個月比較難湊，但自己都有晒心理準備。第一次幫BB換片個陣都已經請咗我同老公飲茶，仲要一日兩次，搞到我哋非常狼狽，但又好好笑。依家湊B比較辛苦，又唔夠瞓，但每一個過程都係開心。」

點擊圖輯睇沈卓盈性感孕照：