Jessica@SG接拍牙刷廣告由朝刷到晚 笑台灣老公變「人肉宣傳易」
撰文：陳栢宇
出版：更新：
Super Girls成員蔡明思（Jessica）早前首次為牙刷品牌拍攝代言廣告。拍攝當日Jessica拿著牙刷狂刷牙，難怪她笑說︰「我諗我刷咗我成年次數嘅牙！」提起台灣老公，Jessica笑言對方導演上身為他揸機操刀拍攝試鏡片段︰「疫情關係，呢個廣告係老公幫我喺屋企做Casting，當時佢好認真幫我拍咗好多個角度，當正自己係導演咁。佢仲讚自己拍得非常好，中咗廣告要分一半酬勞畀佢，不過我只會請佢食餐飯，因為我啲錢都係屬於我嘅！」
雖然Jessica老公未能瓜分酬勞，但他仍非常落力向身邊朋友推介Jessica拍攝的牙刷產品，難怪Jessica笑指老公是「人肉宣傳易」，她笑說︰「因為佢由細到大都愛用這牙刷品牌，知道我被揀中已經好開心，因為可以拎牙刷畀佢用，而拍完廣告後佢變咗人肉宣傳易，不斷同身邊朋友去Sell呢隻牙刷，每次見到唔同朋友或者屋企人都會講我拍咗廣告之後會出，隻牙刷有幾好用，叫大家快啲去買，變咗代言人咁好好笑。」