76歲馮素波發現大腸內有腫瘤　媽媽大腸癌離世憂有遺傳秘密做手術

3歲時童星入行，從影超過70年嘅馮素波，早前身體檢查時發現大腸內有腫瘤，膽亦塞滿膽石，由於佢媽媽當年係大腸癌離世令佢相當擔心。

醫生早前安排馮素波進行腫瘤掃瞄，証實腫塊並非癌症而係腺瘤，約3厘米大估計喺體內已有5年， 最終波姐同囝囝商量後決定做手術切除腺瘤，並處理膽石膽泥。經過3小時微創手術，波姐留院一星期後轉到酒店休養，預計休息一個月就會為新劇《痞子殿下》及《雙生陌生人》開工拍攝。