56歲曹永廉秘密入院一星期　五勞七傷曾做心臟手術兼患耳水不平衡

56歲嘅曹永廉近年相當勤力，不停喺螢幕前亮相，拍劇主持唱歌都涉獵。原來早前佢秘密入院，足足住咗成個星期醫院。

曾於節目自爆有遺傳性糖尿病嘅曹永廉，原來前年拍《愛美麗狂想曲》嘅時候，心臟出現問題有血管塞咗，當時等拍完劇就秘密入院做通波仔手術。近日佢又因為腎石問題，痛到行都行唔到，要入院等啲腎石自然排出。再加上飽受耳水不平衡折磨，正連踩兩劇再兼顧內地生意嘅曹永廉可謂五勞七傷，真係要好好保重身體呀。