蔡康年上《好聲好戲》拒帶稿疑回應曾志偉批評：希望公司畀次機會

蔡康年入行多年以主持工作為主，加入財經節目《創富坊》主持超過十年可謂經驗豐富，不過早前佢喺《音樂永續 樂壇共享》記者會上全程拎住稿讀，被高層曾志偉當眾串「作為一個主持就唔應該帶稿嘅。」

呢日蔡康年應邀上《好聲好氣》表演極速講《創富坊》免責聲明時話：「今日要証明過往表現唔係未來表現嘅指標，今日就算有稿我都唔睇，雙手係冇帶稿㗎，希望公司畀次機會我。」似係要回應曾志偉批評，最終佢只用12秒就讀晒148字財經節目免責聲明，令在場人士相當驚訝。