黃建東《日日媽媽聲》唱歌冧母親 媽媽單飛拍廣告阿仔收佣食水深
撰文：陳栢宇
出版：更新：
黃建東（東東）最近跟媽媽黃葉慧茵（Diane）作客無綫（TVB）節目《日日媽媽聲》擔任母親節專題嘉賓。東東坦言最近多與媽媽一起工作拍攝，感情深厚了不少：「自從同媽咪一齊上《流行經典50年》之後多咗好多一齊做嘢嘅機會，以前佢可能唔太明白藝人嘅工作情況，點解拍攝會拍咁耐，依家佢一齊拍一齊等就會好明白我。」東東還特地在節目裏自彈自唱《小天使》送給媽媽，象徵媽媽就像小天使一直守護着他，很多觀眾看完大叫感動，而黃媽媽亦聽到眼濕濕。
+5
東東又大爆最近有廣告商只找媽媽拍廣告，令東東片場化身經理人照顧媽媽：「從未試過喺拍攝現場冇需要化妝整頭埋位，只係全程睇住阿媽。」東東笑指自己嘅經理人佣金好高，叫媽咪要識做，同埋呼籲廣告商下次要找他一齊拍，因為驚媽媽未紅先驕。對於網民提議叫黃媽媽拍劇，與撞樣的龔嘉欣飾演母女，東東笑說如果角色不用太多演技以及對白應該可以，佢驚媽咪NG太多阻礙大家收工。