好聲好戲｜黃翠如遭鼎爺勸唔好再演戲　眼濕濕：成日畀人抨擊把聲

無綫真人騷《好聲好戲》已進入第二回合，4位參賽者包括鄧智堅、黃翠如、謝嘉怡、張振朗在昨晚播出的一集繼續進行比賽。黃翠如今次聲演了苑瓊丹於《皆大歡喜》角色紗紗郡主的一場戲，雖然她以近乎「卡通聲」的聲線去演繹，但仍獲得7位評判一致給予綠燈合格，令她大為驚喜更感動得眼眨淚光，要用紙巾抺眼淚。

主席評判李家鼎笑指翠如：「唔好做演員喇，去配音好過，做演員麻麻地。」而另一主席評判汪明荃就直言翠如的聲音太卡通，感覺與苑瓊丹的角色不太配合，不過就讚翠如演繹得很放。翠如表示：「我嘅聲音係畀人攞嚟鬧嘅，所以第一次畀人稱讚，我有啲估唔到，有啲感動。我自己演戲以嚟係成日畀人抨擊把聲，所以我成日都覺得咁不如你畀個啞嘅角色我演算喇。」

點擊睇翠如呢part的片段：