BINGO關嘉敏挑戰性感極限 衝出香港玩人體彩繪：凍到縮咗一下
撰文：陳栢宇
出版：更新：
女子組合BINGO隊長關嘉敏（Carman）最近密密接Job吸金，早前更獲日本藝術攝影雜誌《Pasha Style》邀請擔任新一季其中一位模特兒，非常犀利。初嘗人體彩繪的Carman說：「知道要做人體彩繪拍攝嘅時候都有少少驚，始終未試過挑戰自我性感極限，今次係我出道以嚟最性感既一次！攝影師事前都畀咗好多Reference我參考，亦都有傾過用咩方式去配合人體彩繪，最後就用咗蝴蝶做主題。我自己好鍾意蝴蝶，覺得佢哋嘅唔同形態都好靚，有好多嘅可能性，我都希望自己係事業上會有更多嘅可能性，呈現到更多不同嘅自己畀觀眾睇到。」
點擊下圖觀看關嘉敏如何挑戰自我：
+1
問到拍攝時有否發生趣事，Carman就笑言：「始終都係第一次試人體彩繪，當化妝師落手嘅第一下嘅時候，我都有凍到縮咗一下。我睇咗成品好開心呀，真係影得好靚，好感恩有機會可以參與今次拍攝。原本係安排去日本拍攝，但疫情關係未有機會去到，希望日後可以去日本拍多啲唔同風格嘅Carman畀大家睇到。」
+30