王傑退出樂壇移居　加國自拍照現滄桑味昔日光輝不再

喺80年代，曾以《幾分傷心幾分痴》唱得街知巷聞嘅王傑，之後張張唱片都暢銷，歌曲橫掃樂壇頒獎禮，電視劇身價、電影片酬、歌酬均創下紀錄。唯他經歷過兩次婚姻失敗後，加上因壓力而患厭食症、抑鬱症，於2017年宣告告別樂壇。

在加拿大定居嘅王傑，去年曾在微博發帖寫道：「我老了⋯⋯但是我依然不忘初心！思想依然可愛……心中依然充滿了愛……艱難時期，大家保重……永遠愛你們！」不過文中未有附上任何照片。但近日，有網民喺小紅書上載多張王傑嘅自拍照片，只見他一臉灰白鬚根，滄桑味濃，全盛時期嘅星味/男人味不復再。

點擊下圖睇王傑近照

王傑早年在內地接受訪問時，曾透露在香港被人於飲品落鉛毒致聲音沙啞，尋遍醫生都不能痊癒，最後他再不追究，轉向北上發展，聲音已大不如前。不過王傑到內地賺人仔時，曾遭網民羞辱已過氣，更攻擊其母親，王傑嬲爆將私訊內容截圖公開，並謂以後嘅唱片都唔會在內地發售。