前Face to Face吳少芳離世終年54歲　半生坐輪椅曾任鄭秀文嘉賓

前女子組合Face to Face成員吳少芳（Jodi）呢日傳出離世消息，終年54歲。當年事業正起飛之際，發生嚴重車禍導致四肢癱瘓，從此要以輪椅代步。呢日佢Facebook專頁發帖證實Jodi離世消息：「各位Jodi親愛的朋友，Jodi已經回到天家，多謝大家一直對Jodi的關愛。」

1990年Face To Face正式出道，由吳少芳（Jodi）及蔡惠玲（Connie）組成，著名經理人李進一手發掘，出過三張唱片，成名作係《情迷Milano》，可惜當年事業正起飛之際，Jodi發生嚴重車禍導致四肢癱瘓，從此要以輪椅代步，組合亦隨之解散。喺深切治療部住部半年，出院後亦終生要以輪椅代步。但Jodi以正能量面對一切，不時出席講座分享經驗，亦為同路人打氣。

Jodi 1988年參加第7屆新秀入行，同屆嘅Sammi鄭秀文就喺2019年第十場演唱會，邀請Jodi擔任嘉賓，於舞台上合唱《默契》，Jodi更獨唱親自創作嘅歌曲《Why me》，於紅館舞台流下開心感動嘅淚水。