【萬千星輝頒獎典禮】李佳芯奪飛躍進步女藝員：今年係一個奇蹟

李佳芯今年在《律政強人》首當第一女主角，結果她勇奪了「飛躍進步女藝員」，她得知奪獎時，表現相當驚喜，眼泛淚光，她講到得獎感言：「今年對我來講，係一個奇蹟。由細到大我都冇諗過做主角，今年一次過拎了三個獎，真係唔知點解。我係呢度好多謝監製Marco，由Ivy（《名門暗戰》一角）開始你就用我。我都要多謝珍姐，畀機會我。」其後Ali再次多謝家人、朋友，一路扶助她的台前幕後。

事後Ali心情還未平復過來，她表示：「好興奮，呢個獎意義重大，好少參加有競爭性的比賽，所以完全冇諗過，
今年對我係一個奇蹟。(一陣拎多一個？）冇諗再拎多個，一個獎已經講唔到嘢。感激家人和fans留言，我好攰時，佢哋鼓勵說話，都令我醒過來。」

Ali去年入圍過「最佳女配角」及「飛躍進步女藝員」，惟未能得獎，今年終於如願。她一直以來都有最強小三之稱，最為人熟悉就是她口中所說的《名門暗戰》Ivy，但今年《律政強人》一反常態，為小三之名洗底，一嘗女主角滋味。最近她在《巨輪II》被鷲哥大鬧「臭雞」一幕，更是一時佳話。

【萬千星輝頒獎典禮】《城寨英雄》奪最佳劇集　攬四大男女主角獎