【萬千星輝頒獎典禮】龔嘉欣爆喊拎最佳女配角：多謝珍姐無放棄我
撰文：郭敏玲 溫菁莉 林通賢
出版：更新：
龔嘉欣憑著《幕後玩家》的Carmen爆喊而後來居上，奪得最佳女配角，揮低同是大熱的花曼王君馨。她一聽到自己個名，立即爆喊，喊到收唔到聲：「因為呢個獎真係好難攞，好多謝珍姐，我成日都令你失望，但你冇放棄過我。好多謝樂小姐、杜生同阿Joe（監製陳維冠），多謝你畀呢個角色我。」此時此刻，坐在觀眾席的珍姐已經抹眼角，好似都眼濕濕。同時，嘉欣講到爺爺等家人提早做冬，不能陪伴他們感到抱歉，但仍感激他們一直做著嘉欣的後盾。
龔嘉欣今年有《刀下留人》以及《幕後玩家》兩套劇，其中《幕後玩家》裡所演的Carmen得知老公出外偷食兼有BB失控爆喊場面，被網民大讚好戲，個個都睇到有心酸的感覺，嘉欣亦因此人氣急升。