黃夏蕙為節目親身到主題時鐘酒店視察：見到真係想入非非！

黃夏蕙（夏蕙姨）今日（3/4）連同契仔楊峰及契女徐寶鳳現身灣仔出席清談節目錄影。夏蕙姨透露早前為節目親身落區到時鐘酒店視察，竟然令她大開眼界：「原來而家啲時鐘酒會有不同嘅主題，例如有啲房間會做到好似地鐵車廂咁，亦有做到好似診所咁，畀大家嚟到可以扮醫生同護士，又會有寫字樓咁嘅場景，令人見到真係想入非非。時鐘價錢我都有問到，又唔係好貴，兩個鐘都係二百幾蚊，都真係好抵。」

而楊峰就透露近日身體出現毛病，經醫生診斷證實左耳嚴重失聰：「其實聽唔到嘢已經幾個月時間，可能之前喺內地做嘢幾個月太過辛苦，夜晚又冇得瞓，日頭又冇得瞓所以搞成咁，其實而家聽唔到嘢，屬於嚴重耳聾，所以而家都要接受中西醫治療，希望病情有改善。」而徐寶鳳就透露近況生活非常充實寫意。