BINGO陳康琪重返籃球場望做「運動女神」　吳業坤心動想打友誼賽

BINGO成員陳康琪（Odilia）擁有令人羨慕的43吋長腿，原來與她中學時期參加籃球和手球隊時常跑跑跳跳有關，而她最近便重踏籃球場展示球技，參加同公司的鄭世豪舉行的球局，她說：「其實我想打番籃球好耐，但呢幾年身邊都好少人會組隊打，尤其女仔朋友更少會打籃球，加上疫情，體育館又停開左一段時間，所以一直冇機會，但早兩日知道世豪有籃球局，即刻想參與。」

與洪永城同場鬥波陳康琪又笑指自己性格似男仔，身高又算高，所以球場上沒有人當她女孩子。問是否想向進軍運動界，她說：「嚟緊都想試下向呢個方向發展，可以Sporty啲，有型啲，如果可以係打籃球打到有人認識我，都係好事呀，我都喜歡運動陽光Style。（運動型嘅男仔吸引到你？）梗係吸引到啦，通常打籃球既都高大威猛。」

另外，記者發現坤哥吳業坤亂入陳康琪友人的Post，見到陳康琪的籃球英姿，搞鬼留言表示想約陳康琪打一場友誼第一，貼身防守第二的籃球比賽。