現年27歲，跟MC張天賦一起作曲《老派約會之必要》的新世代獨立唱作人陳澤鴻（Goo Chan），被爆背住拍拖7年的KOL女友芷希偷食，捉姦片段及錄音廣為流傳。相隔一日芷希首發文，否認發布捉姦片段。

創作歌手偷食18歲女斷正KOL女友崩潰　致歉：無限期退出幕前工作

芷希在IG限時動態首開腔回應事件：「多謝大家關心，抱歉冇辦法一一回覆，但大家溫暖嘅說話我都已經收到。」她續澄清事情發生在二月初：「當時嘅狀況比較突然同混亂第一次獨自面對呢種情況，屋企人擔心我其後亦都即刻過咗嚟陪我，所以錄音當中稱要報警處理嘅並唔係佢（GooChan），係其中一位屋企人，希望唔好過度解讀。」

芷希又指分手時未有撕破臉，錄音及片段非自己發布：「最後見到部份留言，想澄清影片同埋錄音並唔係我發佈，正式分手後都只係想各自安好。事情發展到今日已經有一段時間，一直都有努力消化，努力工作努力繼續創作自己嘅影片，努力搵返生活應該要有嘅節奏，所以身心都已經好返好多，畢竟係私人嘅事並無意佔用資源同版面，希望事情盡快落幕。」