TVB的戴祖儀出名有一雙40吋逆天大長腿，身高達173cm，而她一向亦不吝嗇天生「長」處，經常著短裙短褲大曬美腿。日前她相約蔣祖曼、阮嘉敏、姚宏遠和董敬文去迪士尼玩，心情靚爆表示：「Happy❤️多謝大家帶祖儀出嚟放電☺️」她又笑言當日點了5杯$52的檸檬茶，威過去麥當勞加大，更說：「威到爆呀！」

不過網民就將焦點落在她的雙腿上，她的全身照中，雙腿比例比平日更加長，網民就取笑她似《足球小將》的人物比例，幾乎變12頭身比例，網民留言：「吾（唔）好咁影啦，對腳好怪」、「第二張相係要所有人同你一樣咁高😂」、「P 到變晒型🤣」戴祖儀就霸氣回覆對方：「好奇一問 依位兄台有冇試過用0.5廣角鏡影相🐒」iPhone的0.5廣角功能的確會把較貼邊的部份拉長，好不好看見仁見智，不過該網民就始終不認同，表示：「 我冇用過😌咁用返正常好啲啦正常嘅你都夠啦😆」