Emi Wong（王樂婷）為香港最多訂閱人數的YouTube之一，直至現時為止共有700萬，而Instagram帳號亦有將近80萬人。今日（11/04）Emi Wong以一身性感內衣造型亮相中環大館，原來是為一個內衣及泳衣品牌擔任模特兒。

她接受《香港01》訪問，分享經營YouTube頻道的秘訣，她說：「做咗咁耐，我學識唔好夾硬嚟，其實你唔係特別鍾意做運動，你夾硬因為呢樣trend緊就去做，咁樣係唔持久，真好辛苦。做YouTube或者content，一定要做自己鍾意嘅嘢，觀眾會感受到。」

近年社交平台或YouTube興起一些「掛羊頭賣狗肉」，假借運動實質賣弄性感的影片，Emi Wong就表示只是供求關係。「我覺得唔同創作者又唔同嘅觀眾，都係demand and supply（有求有供）。唔同嘅人吸引到唔同觀眾。」問到，Emi Wong會不會因為想吸納男性粉絲而性感，她坦言：「我嘅觀眾80到90%係女性。有時凍啲就會着長袖，有時熱啲就會着sport bra，其實對我嘅觀眾冇分別。」